საცხენოსნო ტურის გამყოლი

მოკლევადიანი გადამზადების პროგრამა KURKO WOODS და LOST RIDGE RANCH- თან ერთად. საცხენოსნო ტურიზმი მზარდი პოპულარობით სარგებლობს, მოგზაურებს კი საერთაშორისო სტანდარტების შესაბამისი მომსახურების მოლოდინი აქვთ. სწორედ ამიტომ შევქმენით თეორიულ და პრაქტიკულ სწავლებაზე დაფუძნებული ინტენსიური, 10 კვირიანი პროფესიული პროგრამა, რომელიც დაეხმარება გამოცდილ მხედრებს დაიწყონ ან დახვეწონ საგამყოლო საქმიანობა. პროგრამის პირველი ნაწილი ცხენოსნობის შესწავლას ეთმობა: ისწავლი ცხენის ფიზიოლოგიურ და ფსიქოლოგიურ თავისებურებებს, მის მოვლას და მართვას სხვადასხვა სირთულის მარშუტებსა და პირობებში. გაიგებ, თუ როგორ დაამყარო ცხენთან კომუნიკაცია და ამოიცნო მისი სხეულის ენა. პროგრამის მეორე ნაწილი უშუალოდ საგამყოლო საქმეზეა ფოკუსირებული: შეიძენ საორიენტაციო, ტურისტებზე ზრუნვის, ჯგუფის მართვის, მარშრუტების დაგეგმვისა და რისკების მართვის უნარებს. კურსის დასასრულს შეძლებ ნებისმიერი სირთულის და ხანგრძლივობის საცხენოსნო ტურისა და ექსპედიციის დაგეგმვასა და გაძღოლას.